Лариса Михайлова Кукмарада Балтачыбыз данын яклаган

Республикабызның 8 районыннан үзләренең һөнәри осталыкларын күрсәтергә килгән конкурсантлар арасында безнең районыбыздан Кече Лыза авыл җирлеге башлыгы урынбасары Лариса Михайловна Михайлова да катнашты һәм никахларны теркәү тантаналы өлешен удмурт телендә алып барып, уңышлы чыгыш ясады.Райондашыбыз үзенең чыгышында удмурт халкының гореф-гадәтләрен, төрле буын бәйләнешләрен, удмурт милләтенең гармун һәм скрипка көйләре астында башкарылган туй җырларын, милли киемнәрен күрсәтеп, жюри әгъзаларының һәм катнашучыларның күңелен яулады. Кукмара районының Починок-Кучук авылында узган конкурста удмурт халкының милли гореф-гадәтләрен югатмыйча, традицияләренә хөрмәт белән караганы өчен Лариса Михайлона диплом белән бүләкләнде. Шулай ук «Сылу кызлар» группасы һәм «Кна Вел» мари ансамбле чыгышлары да бәйрәмнең курке булып торды, дип хәбәр итә район ЗАГС бүлеге хезмәткәрләре.