Малмыжны шаккаттырдык

24 һәм 25 февральдә Малмыж шәһәрендә «С.Б.Сахара исемендәге йолдызлык» фестивале булып узды, анда безнеӊ районнан 94 бала катнашты. «Восторг» хореографик, «Шатлык» вокаль-хореографик коллективлары беренче дәрәҗә лауреат исемен яуладылар, ә «Язгөл» вокал коллективы икенче дәрәҗә лауреат исеменә лаек булды. Вокал буенча аерым башкаручылар Эркаева Камилә һәм Хәмитова Зилә беренче дәрәҗә лауреат исемен алсалар, Фәйзрахманова Әдиләгә икенче, Хәлимова Диләгә өченче дәрәҗә лауреат исемнәре бирелде.

Зур исемгә лаек булган барлык укучыларны исемләп санап бетереп булмый, әмма районга 77 лауреат, 13 дипломант, 4 катнашучы дипломы кайтуын искә алсак, зур дәрәҗә алган балаларыбызныӊ, аларныӊ остазлары - сәнгать мәктәбе укытучыларыныӊ олы рәхмәткә лаек икәннәрен күрәбез һәм алар белән горурланабыз.