Мәгънәне бозмыйк

Урамга чыксам, дуслар,
Тазалык ничек, диләр.
Минем аларга җавап:
Йөз кило чама булыр.

Бәлки кызыксындырадыр
Минем сәламәтлегем?
Дус түгелләр белми торсын –
Начар булса әйтмимен.

Тазалыктан халык кача,
Бигрәк тә хатын-кызлар.
Сәламәтлеге бик кирәк –
Аны эзлиләр күпләр.

Кемгә нәрсә кирәген
Һәр кеше үзе белә.
Тик эзләргә кирәк аны
Мәгънәсен бозмый гына.

Минем кечкенә генә шәхси фәлсәфәләрем булгалый; кеше белән сөйләшкәндә, мәгънәне бозсалар, төзәткәләп җибәрәм. Югарыда шуның бер мисалы. Урамда шул турыда берәүгә аңлаткач, син боларны бер җиргә язып бар, ди. Мин алай гына итмәдем, өйгә кайту белән шушы юлларны язып куйдым. Моңарчы куплетлап язганым юк иде. Илһам  дигән әйбер чыннан да бар ахрысы – биш минутта тездем дә куйдым.

Вагиз Таҗиев,

            Балтач.

Фото: автор.