Мин ышанам

Ышанам мин кышлар җитәсенә,
Ак кар явар җиргә ишелеп.
Мин ышанам, ак күңелле булып
Яңа елга атлар кешелек!

Ышанам мин, язлар киләсенә,
Яшеллеккә төренер бар галәм.
Мин ышанам, сөю барлыгына,
Язлар китерер аны, мин беләм.

Ышанам мин җәйләр җитәсенә,
Чәчкә атасына гөлләрнең.
Мин ышанам, матур буласына,
Якты буласына көннәрнең.

Ышанам мин көзләр килеренә,
Уңышларның гөрләп уңасына.
Мин ышанам, үзгәрер бу дөнья,
Ышанам мин, шулай буласына.

#СәлимәГабделхакова

Фото: pixabay.com/ru