Онлайн мәдәният

Үзебезнекеләр дә һич калышмый. “Балкыш” җыр һәм бию ансамбле җитәкчесе Айсылу Әсәдуллинаның концертын гына алыйк, бик күп тамашачы җыйды ул бу көнне, ихлас теләкләрен комментарий итеп язучылар да шактый булды. «Адәм баласы кайгы килсә дә, шатлыгы булса да җырлый, бии, моңлана бит ул. Туры эфирда концертка чыгуымның төп сәбәбе райондашларыма җырларым аша рухи яктан терәк булу», диде Айсылу онлайн очрашуда. Мәсәлән, Ор авылы мәдәният йорты хезмәткәрләре дә авылдашларын бер атна дәвамында онлайн-концертлар белән куандыра. Менә бит үзизоляция чорында халыкны ял иттерү җаен тапканнар. Башкаларга менә дигән үрнәк булган әле бу кадәргесе.
Китапханә хезмәткәрләре дә инстаграм битләрендә халыкны яңа китаплар белән таныштыра, мөһим даталар һәм юбилейлар уңаеннан уздырылган бәйгеләрдә актив катнаша. Китапханәчеләребез чит илдә яшәүче яки күренекле райондашларыбыз белән дә онлайн-күперлар сала.