Шалкантуйның күңелле мизгелләре безнең фотоларда

Заказ белән генә булган кебек һава торышы, мәртәбәле, дәрәҗәле кунаклар, кызыклы уеннар, милли көрәш, дәртле җырлар белән үрелеп барган авыл көне бер сулышта узды да китте...

Шөкер, бер елга сагынып сөйләрлек, шатланып, көлеп искә алырлык мизгелләребез булды. Милли бәйрәмебез ул миллилекне яңарта, исеңә төшерә, туганлыкны арттыра, дуслыкны ныгыта торган бәйрәм. Киләсе елга да шулай матур итеп очрашырга насыйп булсын иде.

Быелгы Шалкантуй батыры - Руслан Рәфыйков! Көрәш быел өч үлчәүдә уздырылды. Һәр үлчәүнең үз җиңүчесе үз бүләге бар. Көрәш бүләкләре бик саллыдан булды һәм аларның спонсоры "Уңыш" күмәк хуҗалыгы.

Авыл көнендә, елдагыча, күмәк хуҗалыкта һәм башка өлкәләрдә тырышып хезмәт куйган өлкәннәребез хөрмәтләнде.

Чыганак: Шат-Көшкәтбаш

Назлыгөл Нәкыйповафотолары