Сәнгать мәктәбендә эшкә нәтиҗә ясадылар

Кичә сәнгать мәктәбендә укучы балалар зачетлар тапшырды. Әти-әниләр җыелышларыннан соң, тулы бер  аудиториягә белемнәрен тәкъдим иттеләр.  Мәктәп идарәсе балаларның алган белемнәреннән ни дәрәҗәдә канәгатьтер, тамашачы буларак анысы кызыксындырмый, әмма балалар  бирелгән аз гына сәгатьләрдә дә бик күпкә өйрәнә алганнар. Концерт әти-әниләргә, әби-бабаларга бик ошады, культурный ял итеп утырдык диясе килә. Рәхмәт балаларга, пианинода да оста итеп уйнадылар, курайда да матур итеп көйлиләр, гармунны да шәп тарталар, җырга да булдыралар, шигырьне дә сәнгатьле итеп сөйлиләр.  Булдырасыз икән, балалар, диясе килә.