Субаш маскарадыннан баеп кайтканнар, Путин килгәнгәдер инде

Субаш авылында маскарад гомер-гомергә күңелле булды. Быел маскалар күп булган дисәң, аз әле бу, бермә - бермә күп еллары бар иде диячәкләр. Ничек кенә киенмәгәннәр, җиренә җиткереп теккәннәр, фасонын китергәннәр. Рәсәй Президенты образына кадәр тудырганнар. Лотерея уеннары бик кызык барган. Бәйрәм барышында ук Субаш килене Айсылу яза: “ике лотереяга приз чыкты миңа, торт һәм биолан”, ди,  бераздан “ миңа тагын борчак чыкты, 5 килограмм”, дип хәбәр җибәрә, күп тә үтми, “үләм, тагын 1 центнер ашлык, бөтенесенә дә чыгып бетте”. Балтачына баеп кайтты киленбикә. Айсылуга кызыгып куйдым, юк, призларына  түгел, безнең авылда да клуб булса (Яңа Салавыч), без дә шулай авыл маскарадларын җылыда, яктыда тамаша кылыр идек, дип.