Субаш үзешчәннәре район сәхнәсен гөрләттеләр

Субашлылар элек-электән сәнгатькә гашыйк халык. Аларның үзләренә генә хас яшәү һәм иҗат итү алымнары бар. Җирле халыкның бер өлешен керәшен татарлары алып торганга, гореф-гадәт, йолалар чагылышы тулырак һәм баерак тасвирланды. 80нче еллардагы популяр, моңлы җырлар белән башланган концерт кызганнан-кыза барды. Ретро җырларны заманчалары алмаштырды. Күмәк биюләрдәге җитез хәрәкәтләр күңелләрне җилкендерде. Бер-бер артлы сәхнәне яулаган яшь талантларның, үзешчән сәнгатьтә танылу алган егет-кызларның, нәфис сүз осталарының, хор, ансамбль, гармунчылар һәм курайчыларның чыгышларын тамашачы көчле алкышларга күмде. "Бәхетле сагыш" шигырьләр китабы авторы Лилия Гарифуллина башкаруындагы туган авылына багышлап күптән түгел иҗат ителгән "Мәңге яшә, Көшкәтбаш!" җырын аеруча да яратты.

Фотоларны тулы күләмдә фотогалереяда каргыз.