Тальян моңы
Сабантуйлар җиткәч әти һаман, Тальян ала иде кулына. Авыл урамнары тула иде Кыңгыраулы гармун моңына. Тагын җитте Сабантуйлар, ләкин Ишетелми тальян моңнары. Элеккечә капка төпләрендә Әти инде гармун уйнамый. Ничә еллар инде Сабантуйлар Тик әтидән башка үтәләр. Бу бәйрәмнең шаулы мәйданнары, Әйтерсең лә, аны көтәләр. Сабантуйлар җитте, урамнар буш -...
Сабантуйлар җиткәч әти һаман,
Тальян ала иде кулына.
Авыл урамнары тула иде
Кыңгыраулы гармун моңына.
Тагын җитте Сабантуйлар, ләкин
Ишетелми тальян моңнары.
Элеккечә капка төпләрендә
Әти инде гармун уйнамый.
Ничә еллар инде Сабантуйлар
Тик әтидән башка үтәләр.
Бу бәйрәмнең шаулы мәйданнары,
Әйтерсең лә, аны көтәләр.
Сабантуйлар җитте, урамнар буш -
Тальян моңы җитми күңелгә.
Капка төпләренә чыгып, әти,
Гармун уйнар төсле бүген дә.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев