Татар җанлы кызлар – Чапшарда!

Татар моңын, татар халкының элек-электән килгән гореф-гадәтләрен саклап, инде бүгенге көндә онытылып килүче биюләрне яңартып торучы әлеге гүзәлкәйләрнең һәрбер чыгышларын сокланып карый торган. Шушы көннәрдә алар су буенда “Су юлы” биюен биеп, клуб каршында “Яулык” кебек борынгы уеннарны уйнап, вакытларын күңелле дә, мавыктыргыч итеп тә үткәргәннәр. Әлеге идеяләрнең башында татар телен, аның онытылып баручы гореф-гадәтләрен сакларга үзенең бөтен көчен куючы Чапшар клубы мөдире Гүзәлия Вәлиева тора. Афәрин, кызлар!