Түбән Кенә авылында кечкенә генә сәхнәне гөр китерделәр

Бөтен татар дөньясына танылган Җәвәһирә Сәләхова, Римма Ибраһимова, атказанган исеме алган виртуоз гармунчы Икрам Ганиевны биргән төбәк ул. Бәйрәм уңаеннан оештырылган концертта да авылның яше-карты сәхнәдә иде. Аксакал Нәүфәл абый Лотфуллинга кадәр матур итеп җыр сузды. Рәшидә апа Зыятдинова исә концертны искиткеч матур итеп алып барды. Кечкенә генә сәхнәне гөр китерделәр. Клуб мөдире Кадрия һәм Марат Галимуллиннарның хезмәтен, тырышлыгын да бәяләп үтү кирәк. Тиздән яңа клуб төзелеп, шунда рәхәтләнеп иҗат итүегезне һәм эшләвегезне телим.