Хезмәт

Балтач районы

18+
2024 - Гаилә елы
Мәдәният

Тинчурин театрының яшь режиссеры: Заһидуллинның китүе театрның юнәлешен үзгәртә

Театр яшьләре иҗади җитәкче буларак Резеда Гарипованың билгеләнүен сорадылар.

(Казан, 5 сентябрь, “Татар-информ”, Рузилә Мөхәммәтова). Тинчурин театры режиссеры Резеда Гарипова Рәшит Заһидуллинның китүе театрның юнәлешен үзгәртәчәк дип саный. Бу хакта театр җыелышында әйтте.

“Театрның үз юнәлеше бар - кемгәдер ошый, кемгәдер ошамый иде. Монда эш режиссерның китүендә түгел, ә татар театрында яңа юнәлеш формалашуда. Заһидуллин яңа юнәлешләрне кабул итмәде. Аның 26 ел эшләү дәверендә сәхнәдә беркайчан да шәрә ирләр дә, секс та, сүгенүләр дә булмады. Бу аның татар театрына карашы иде. Аның китүе белән театр бу юнәлешен югалта”, - диде режиссер соңыннан журналистларга фикерен шәрехләп.

“Чакырылган режиссерларның һәрберсенең үз карашы булачак. Бу нәрсәгә китерәчәге билгесез, билгесез булуы бераз куркыта”, - диде ул. Резеда Гарипова Рәшит Заһидуллинның яңа режиссерлар алдында ишек ябып куймавын, әмма бөтен заманча авторларны кабул итеп бетермәвен әйтте. “Пьесаның ике бит саен бозыклык кылган героиняларны ничек куйыйм”, дип аптырый иде ул”, - ди режиссер.

Театр яшьләре иҗади җитәкче буларак Резеда Гарипованың билгеләнүен сорадылар. Моны шәрехләп Резеда Гарипова: “Рәшит Галиевич - югары профессионал. Югары дәрәҗәле режиссерны яшь режиссерга алыштыру дөрес түгел дип саныйм”, - диде.

Бүген Тинчурин театры коллективы җыелыш уздырып, мәдәният министрлыгы җитәкчеләре белән очрашты. Сүз театрның киләчәге турында барды.

Резеда Гарипова – Тинчурин театрының штаттагы режиссеры. Хәзерге вакытта ул декрет ялында. Театр репертуарындагы “Сүнгән йолдызлар”, “Чулпан”, “Яшерен эзләр” һәм башкалар - ул куйган спектакльләр.

 

Фото: Салават Камалетдинов

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

2

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: театр