Туйларда укыгыз...

Зөлфия Шакирова, 14 август 2018 - 22:11

3209

Август – туйлар ае. Бу айда туйда укырга шигырь кирәк иде, дип мөрәҗәгать итүчеләр күбәя. Сезгә миннән бер шигырь – туйлада укыгыз!

Ак бәхет, саф бәхет,пакь бәхет-
Кемнәргә бирелә, кемгә юк.
Насыйбың янәшә бит менә!
Саклый күр, бәхетең, син берүк!
Саклый күр җилләрдән, давылдан,
Яңгырдан, бураннан,кыраудан.
Сакланган мәхәббәт акланыр,
Гомерлек сөюгә юл ярыр.
Сөюдән нарасый яралыр,
Бер түгел, берничә җан туар
Хакларны хаклаган пар калыр,
Тугрылык мәңгегә сакланыр.
Туйларда кәләшләр бәхетле,
Кияү дә күкләрдә йөзәдер.
Туй үтә, тун туза, бел шуны,
Искегә сабырлар түзәдер.
Бәхтеңне саклачы, каралтма,
Ятларга азыклар таратма.
Тарат син саф хисләр ташкынын,
Ярату, ышаныч ялкынын.