Удмурт халкының “Гырон быдтон” бәйрәменә рәхим итегез

«Гырон быдтон» - удмурт халкының төп бәйрәмнәренең берсе булып тора, чөнки ул язгы кыр эшләре тәмамланганнан соң, мул уңыш сорап дога кылу бәйрәме. Әлеге милли-мәдәни чара удмуртларның барлык этник группаларына да таныш, әмма исемнәре төрле: "Гербер" (ягъни, сабаннан соң), "Гершыд" (туры тәрҗемә: геры шыд, ягъни сабан хөрмәтенә аш (ботка), "Гырон быдтон" (сөрү эшләрен тәмамлау). Безнең районда ул нәкъ менә «Гырон быдтон» исеме астында үткәрелеп, үз кысаларына төрле күңелле милли гореф-гадәтләрне генә түгел, ә шау-шулы уеннарын да, тәмле боткаларын да сыендыра. Шуңа да барлык райондашларны, көндезге сәгать 11.00дә «Гырон быдтон»га чакырып калабыз.