5нче балалар бакчасы коллективы тагын бәйрәм иткән (фото, видео)

Балтачның 5нче балалар бакчасы коллективы әти-әниләр белән берлектә Гаилә елы уңаеннан, кичке ялны саф һавада спорт уеннары уйнап уздырды.

Балалар әти-әниләр белән берлектә төрле уеннарда катнашып җитезлекләрен сынап, күңел ачтылар. Җиңүчеләр Дипломнар һәм бүләкләр дә алдылар.

Соңыннан күктә елмайган кояшның җылы нурлары белән иркәләнеп, тәмле коймаклар, кайнар чәйләр белән сыйландылар. «Киләчәктә дә дус, тату, бердәм булып, сәламәтлектә, күңел тынычлыгы белән яшәргә язсын. Кичләребез күңелле һәм файдалы узсын. Һәр мизгелнең кадерен белик», — диләр 5 нче балалар бакчасы коллективы.