Балтач гимназиясе – Гран-при иясе (фото)

«Тату сыйныф сер-ләре» 2017 елдан бирле Җөмһүриятебезнең Мәгариф һәм фән министрлыгы тарафыннан үткәрелеп килүче чара – ата-аналар комитет-ларының республика бәйгесе. Бәйгенең максаты – белем бирү оешмаларында тәрбия эшчәнлеге белән тыгыз элемтәдә торучы ата-аналар комитетларын ачыклау һәм алдынгы эш тәҗрибәләрен популярлаштыру. Чыгышларда без укытучылар белән әти-әниләрнең тыгыз элемтәсен күрдек, миллилекнең, гореф-гадәтләрнең саклануына сокландык.

Гран-прига бик яхшы күргәзмәләр һәм чыгыш әзерләгән Балтач гимназиясе әти-әниләре комитеты лаек булды. Алар шулай ук зона ярышында катнашып, 1нче урын яуладылар.

Урта мәктәпләр арасында 1нче урында – Норма, 2нче урында – Нөнәгәр, Түнтәр, 3нче урында – Карадуган, Куныр, төп мәктәпләр арасында 1нче урында – Сосна, 2нче урында – Шеңшеңәр, 3нче урында Арбор, Пыжмара командалары.

«Безнең күңелле сыйныф» номинациясендә Балтач урта мәктәбе, Кенә төп мәктәбе, Салавыч күппрофильле лицее; «Иҗади сыйныф» номинациясендә Кече Лызи урта мәктәбе, Шубан төп мәктәбе, Чепья урта мәктәбе, Смәел урта мәктәбе; «Иң бердәм сыйныф» номинациясендә Яңгул, Бөрбаш, Урта Көшкәт урта мәктәпләре, Субаш төп мәктәбе бүләкләнде.