Балтач гимназиясендә булачак табибәләр дәрес биргән

Әлеге очрашу "Укучыларның профессиональ үзбилгеләмәсен формалаштыруда профессиональ алым" девизы астында үтте. Булачак балалар табибәсе Әхмәдуллина Лилия һәм Хәсәнова Айгөл медицина университетында укуның кызыклы һәм авыр мизгелләре турында бәян иттеләр. Мифтахова Лира исә укучыларны Казан (Идел буе) Федераль Университетының төрле факультетлары, аларга укырга керер өчен кирәк булачак баллар турында сөйләде. Очрашу ахырында укучылар "Акыл иясе һәм табибтан башка яшәп булмый" дигән нәтиҗә ясады