Балтач гимназиясендә татар теле һәм әдәбияты укытучылары семинары узды (фото)

Семинар-практикум эшчәнлегендә рус мәктәпләрендә белем бирүче татар теле һәм әдәбияты укытучылары катнашты. Татар теле һәм әдәбияты укытучылары игътибарына Идрисова Н. М.¸Әхмәтова Р. Ш., Габделганиева Ч. М., Гайнуллина Р. Ф., Гиниятуллина Д. Х. тарафыннан ачык дәресләр тәкъдим ителде. "Татар теле һәм әдәбияты дәресләрендә регулятив,танып-белү универсаль уку гамәлләре формалаштыру үзенчәлекләре» темасына түгәрәк өстәл үткәрелде.

Семинарда катнашучы укытучылар рус мәктәпләрендәге татар төркемнәрендә һәм рус төркемнәрендә күрсәтелгән дәресләргә анализ ясадылар, төп мәктәптә федераль дәүләт стандартларына күчү барышында татар теле һәм әдәбиятын бүгенге көн таләпләренә туры китереп укыту буенча фикерләштеләр.

Фидания Сабирова,

мәгариф идарәсе методисты