Балтач гимназиясенең «Крепыш» лагере елдан-ел популярлаша (+фоторепортаж)

Балтач гимназиясендә укучы балаларның җәйге ялын файдалы итеп оештыру максатыннан, ел саен мәктәп яны лагере «Крепыш» ишекләрен ача. Быел да эшчәнлеген уңышлы гына башкарды ул. 5 отрядта барлыгы 95 бала йөрде. Лагерьда эш алдан ук төзелгән программа һәм план нигезендә алып барылды. Һәр көн аерым бер юнәлешкә багышланды: экология, туган телләр, сәламәтлек, юл йөрү кагыйдәләре, цифрлаштыру елы, куркынычсызлык кагыйдәләре, дуслык, коррупциягә каршы көрәш, төрле һөнәрләр, Хәтер, Россия көне уңаенннан кызыклы, мавыктыргыч чаралар оештырылды. Алар белән янәшә ЮХИДИ, социаль яклау, балигъ булмаган балалар белән эшләү бүлеге хезмәткәрләре белән очрашулар, әңгәмәләр, уеннар да узды. «Хыял» яшьләр үзәге, «Факел» клублары хезмәткәрләре белән берлектә квест-уеннар үткәрелде. «Салкын чишмә», «Яр буе» паркларында, «Хезмәт» газетасы редакциясендә, үзәк китапханәдә экскурсияләрдә булдык.

Равилә Шәрипова, «Крепыш» лагере җитәкчесе,

Гөлнара Нигамәтҗанова, өлкән әйдаман.