Балтач мәктәбе укытучысы Венера Мостафина «Ел класс җитәкчесе – 2015» бәйгесендә уңышлы чыгыш ясады

Ильнур, 16 апрель 2015 - 11:04

2668

15 апрель көнне Балтач урта мәктәбенең 7а сыйныф җитәкчесе Мостафина Венера Әмир кызы «Ел класс җитәкчесе - 2015» бәйгесендә катнашты.

Балтач мәктәбе укытучысы Венера Мостафина «Ел класс җитәкчесе – 2015» бәйгесендә уңышлы чыгыш ясады

Венера Әмировна иң элек бәйгенең район этабында катнашып, иң күп балл җыеп, районара турга үтте. Саба районында үткән бәйгедә дә Венерабыз сынатмады, иң яхшылар рәтенә кереп, республика турына чыкты. 13-15 апрель көннәрендә әлеге бәйгенең республика этабы булып узды. Монда барлыгы 24 сыйныф җитәкчесе катнашты. Венера уңышлы гына чыгыш ясап, үзенең һөнәри осталыгын күрсәтте. Афәрин, Венера ханым, киләчәктә дә зур уңышлар, яңа үрләр яуларга насыйп булсын!