Балтач мәктәбендә “Полиция булачакмын!” дигән малайлар укый

10нчы октябрь – полиция хезмәткәрләренең һөнәри бәйрәмнәре иде. Шул уңайдан, Балтач мәктәбенең 1нче сыйныф укучылары полиция хезмәткәре, сакчыллык бүлегендә эшләүче Ришад Әскаров белән очрашты. Быелгы беренчеләр арасында, “үскәч кем булырга телисең?” дигәнгә “Полиция буласым килә” дип җавап биргән малайлар күп (алар бакча яшендә үк погонлыларга кызыкты), шуңа да Ришад абыйларының әлеге һөнәр турында сөйләве балаларга аеруча да ошады.

Аннан балалар бергәләп “Күңелле стартлар” уеннарында көч сынашты. Бу ярышлар полиция булыр өчен спортны сөяргә, хәрәкәтчән булырга кирәклегенә төшендерде.

Вәсилә Галиева фотосы