Балтач мәктәбендә укучылар һәм полиция хезмәткәрләре арасында “Мин – закон саклаучы граждан” бәйгесе узды.

Ильнур, 27 февраль 2015 - 10:13

2400

Патриотик айлыкны йомгаклап, Бөек Җиңүнең 70 еллыгын каршылау уңаеннан тарих укытучысы Ф.К.Гыйматова 26 февраль көнне Балтач урта мәктәбенең 10-11 сыйныф егетләре һәм полиция хезмәткәрләре арасында «Мин - закон саклаучы граждан» дип исемләнгән бәйге оештырды.

Балтач мәктәбендә укучылар һәм полиция хезмәткәрләре арасында “Мин – закон саклаучы граждан” бәйгесе узды.

Әлеге чара ике өлештән торды. Беренче бүлектә конституциягә кагылышлы сорау һәм биремнәр булса, икенче өлеш юл йөрү кагыйдәләре буенча белемнәрне тикшерүгә корылган иде. Ике команда да үзләрен интелектуаль яктан нык белемле, киң эрудицияле икәнлеген раслады.

Нәтиҗәдә укучылар 1 бал белән өстен чыгып, беренче урынга лаек булдылар. ЮХИДИ бүлеге җитәкчесе Шәфигуллин Ф.Т. аларга мактау кәгазьләре һәм истәлекле бүләкләр тапшырды, юлларда исән-имин йөрүләрен теләде.

Үз чиратында мәктәп директоры Г.Ф. Гыйләҗева һәм Россия эчке эшләр министрлыгының Балтач районы буенча бүлек җитәкчесе полиция подполковнигы И.К. Усманов катнашучыларга рәхмәтләрен җиткереп, алга таба да бергә-бергә матур итеп эшләргә, бары тик күңелле очрашулар гына көтсен дигән теләктә калдылар.