Балтач укытучыларын "Татнефть-Арена” боз сараенда хөрмәтлиләр

Анда безнең район мәгариф өлкәсе үсешенә саллы өлешләрен керткән мөгаллимнәр һәм мәгариф хезмәткәрләре, ветераннары да катнаша.

Ел дәвамында нәтиҗәле эшчәнлекләре һәм "Ел укытучысы - 2015" конкурсында җиңү яулаган Норма урта мәктәбенең башлангыч сыйныфлар укытучысы Алсу Галимҗанова, Чепья урта мәктәбенең удмурт теле һәм әдәбияты укытучысы Ирина Чернова һәм "Ел тәрбиячесе - 2015" республика бәйгесендә катнашып, мәктәпкәчә яшьтәге балаларга белем бирүдә "Милли традицияләрне саклаганы өчен" номинациясендә җиңүче булып танылган Балтач бистәсенең 4нче номерлы балалар бакчасы тәрбиячесе Эльвира Абдуллинага әлеге зур тантанада бүләкләр тапшырылачак.