Балтачка республиканың педагог-оештыручылары җыелды

Кунаклар иң элек Балтач районы педагог-оештыручыларының эш алымнары, укучылар иҗтимагый хәрәкәтләренең эшчәнлеге белән танышты. Соңрак "2015-2020 елларда тәрбия үсешендәге стратегияләр һәм укучылар иҗтимагый хәрәкәтләре эшчәнлегенең төп юнәлешләре, документларга булган таләпләр турында да сөйләштеләр. Шулай ук семинарда катнашучылар арасында төрле уеннар үткәрелде, эшчәнлекне камилләштерү юнәлешендә киңәш-тәкъдимнәр дә яңгырады.