Балтачта «Балтач кызы, Балтач егете» бәйгесе узды (+фото)

Балтач гимназиясендә «Балтач кызы, Балтач егете» бәйгесенең финал этабы узды. 

Бәйге талантлы егетләребезне-кызларыбызны барларга, сәләтләрен үстерергә, татарлыгыбызны танытырга ярдәм итә. Мәктәптә укучы кызлар, егетләр һәр эштә уңган, яхшы укыйлар, матур итеп бииләр, җырлыйлар.

Бәйгене оештыруның максаты: районда яшәүче милләтләрнең телен, мәдәниятен һәм милли үзенчәлекләрен саклап калу, үстерү; яшьләргә мәдәни, әхлакый һәм гуманитар тәрбия бирү, милли-мәдәни, иҗтимагый тормышка тарту, туган телне өйрәнүгә кызыксыну тудыру, районда яшәүче халыкларның мәдәниятенә, гореф-гадәтләренә мәхәббәт тәрбияләү; укучыларның иҗади сәләтләрен үстерү һәм шәхси потенциалын ачу; тормышта үз урынын табарга сәләтле һәм лидерлык сыйфатларына ия булган талантлы яшьләрне ачыклау.

Кызлар арасында Гран-прига Шеңшеңәр мәктәбеннән Гүзәл Зәкиева лаек булды. Закирова Камилә (Норма) — беренче, Шәфигуллина Алия (Смәел), Нургалиева Гөлгенә (Түнтәр) — икенче, Мортазина Әдилә (Балтач) өченче урын яулады.

Егетләр арасында Гран-при иясе булып Пыжмара мәктәбеннән Фәхретдинов Ильяс танылды. Федоров Ярослав (Чепья) — беренче, Галәветдинов Салават (Балтач), Фәйзрахманов Рамил (Куныр) — икенче, Молгачев Артем (Балтач гимназиясе) өченче урынга лаек булды. Котлыйбыз!