Балтачта “Студент Party” очрашу кичәсе булып үтте (фото)

Кеше гомерендә кызыклы, күңелле, беркайчан да онытылмаслык вакыйгалар күбесенчә студент тормышы белән бәйле була. Чөнки яшь, креатив, юмор хисле, энергиялы әлеге халык бер урында тик тора белми, юк-бардан да кызык ясый белә торган үзенчәлекә ия.

Шундый актив һәм позитив студент халкы белән Үзәк китапханәнең уку залында, инде традициягә әйләнгән, “Студент Party” очрашу кичәсе булып үтте. Әлеге чарада районыбызның гимназия һәм мәктәпләрен тәмамлап, бүгенге көндә республиканың югары уку йортларында белем алучы студентлары катнашты.

Кунаклар үзләре хакында, нинди уку йортларында укулары белән таныштырып узганнан соң, командаларга бүленеп “Где логика?”, “За рулем”, “Фильмомания”, “Звездопад” һәм “Угадай мелодию” кебек күңелле уеннар уйнап зирәклектә һәм җитезлектә көч сынаштылар, үзара аралашып күңел ачтылар.