Беренче сыйныф укучысын тиргәмәгез!

Русия Сәламәтлек саклау министрлыгының медицина психологиясе буенча штаттан тыш баш белгече Юрий Зинченко ата-аналарга баланы мәктәп тормышына мораль яктан әзерләү хакында сөйләгән, дип хәбәр итә RT телеканалы.

Психолог фикеренчә, җитди сәбәпләр булмаганда, балага ачуланырга һәм аны тиргәргә кирәкми, дип яза Кызыл таң.

«Башлангыч мәктәптә уку процессы иң мөһим компетенция санала, бала укучы булырга өйрәнә. Шуңа күрә беренче елны процессның үзенә, баланың тырышлыгына, биремнәрне күпме вакытта үтәвенә игътибар итәргә кирәк», – дигән Юрий Зинченко.