Бүген бит каникуллар башланган көн!

Игътибар итмәгән булсагыз, әйтәм... Бүген бит каникуллар башланган көн! Урамнар буш, балалар юк. Иң озын чирекне тәмамлап, уку елы ахырындагы финишка һәлиткеч ыргылыш ясап, баш килер өчен, бирелгән кыска вакытка йөгәннең бушатылуы дип кабул ителә торган чор! Бистә һәм авыл урамнарында нигәдер кич белән дә җанлану сизелмәде, барысы да ЕГЭ, ГИА, тестирование дигән сынауларга әзерләнәдер инде. Компьютер һәм ноутбук, нетбук һәм кесә телефоннарыннан аерып, балаларыбызны беразга булса да саф һавага чыгарырга иде бит, югыйсә урамда яз килгәнен дә тоймаска мөмкиннәр.