Бөрбашка кемнәр җыелган?
Бөрбаш мәктәбендә «Туган ягым - яшел бишек» исемеле төбәкара укучылар фәнни-гамәли конференциясе үткәрелде.
Конференциянең дистанцион турында Төмән өлкәсенең Тобольск шәһәре, Красноярск краеның Ужур районы, Киров өлкәсенең Малмыж районы белем бирү оешмалары укучылары катнашты. Йомгаклау турында Балтач, Әтнә, Теләче, Кукмара муниципаль районнары мәгариф оешмаларыннан укучылар, тарих, рус теле һәм әдәбияты, татар теле һәм әдәбияты укытучылары катнашты.
Укучыларның эшләрен һәм чыгышларын филология фәннәре докторы, Казан (Идел буе) федераль университетының филология һәм мәдәниятара багланышлар институтының татар әдәбияты кафедрасы профессоры Ләйлә Ихсан кызы Минһаҗева, гомуми тел белеме һәм тюркология кафедрасы доценты, филология фәннәре кандидаты Рәмзия Марс кызы Болгарова, Фәннәр академиясенең Ш.Мәрҗани исемендәге Тарих институты фәнни хезмәткәре, филология фәннәре кандидаты Айдар Марсель улы Гайнетдинов; филология фәннәре докторы, Г. Ибраһимов исемендәге тел, әдәбият һәм сәнгать институтының баш фәнни хезмәткәре Илсөяр Гамил кызы Закирова бәяләде.
Конференциядә катнашучыларның барысына да катнашу турында сертификатлар, җиңүчеләргә I, II, III дәрәҗә дипломнар тапшырылды.
Фото: Бөрбаш мәктәбе архивыннан.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев