Бүген Халыкара Җинү диктанты яза торган көн

Районыбызның дүрт белем бирү учреждениесендәге мәйданчыкларда - Балтач гимназиясендә, Куныр, Арбор, Түбән Кенә мәктәпләрендә диктант язуны тормышка ашырдылар. Арбор мәктәбендә диктанты 7,8,9 сыйныф укучылары, укытучылар һәм директор язган. Чепья авыл җирлеге башлыгы Азат Нотфуллин һәм аның урынбасары да диктант язуда катнашкан, берничә әти-әни дә килгән.
- Сораулар катлаулырак шикелле иде, - ди диктант язучылар. - Әмма үз илебезнең гражданнары буларак, озак итеп уйлаганнан соң, эшләмәслек түгел иде. Без тарихны белергә тиеш!