Фән олипиадаларында да сынатмыйлар балалар

Муниципаль этапта 32 фән буенча олимпиадалар уздырылды, шушы олимпиадаларда 1782 укучы катнашты  (узган уку елында 1953 иде). Барлыгы 354 призлы урын яуладылар (узган уку елында 333). Сыйфат күрсәткече – 19,8 процент  ( узган ел – 17,1).

Региональ этапта 76 укучы 22 фән буенча Рәсәйкүләм һәм республикакүләм олимпиадаларда катнаштылар. Барлыгы – 37 призлы урын яуладылар. Шуның 5се –  Рәсәйкүләм олимпиадаларның региональ этабында, 32се республикакүләм урыннар. Авыл районнары арасында икенче ел рәттән “Олимпка юл” дип исемләнгән республика олимпиадасы уздырыла,  укучыларыбыз яулаган 7 урын әлеге  олимпиададан.

Рәсәйкүләм олимпиадаларның йомгаклау этабында 2 укучыбыз экология фәне буенча призер булды – Балтач гимназиясеннән  Илдар Җәләлов һәм Балтач мәктәбеннән  Гүзәл Сәгыйтова.