Имтихан көннәре расланды

2018 елда Бердәм дәүләт имтиханы, Дәүләт чыгарылыш имтиханы һәм Төп дәүләт имтиханын уздыру көннәре расланды. Бу хакта Россия Мәгариф һәм фән күзәтчелеге федераль хезмәтенең матбугат хезмәте хәбәр итә.

Традицион йомгаклау имтиханнары өч этапта уза. Сынауны вакытыннан алда, төп һәм өстәмә вакытта (сентябрьдә) тапшырып булачак.

Вакытыннан алда уза торган Бердәм дәүләт итиханы киләсе елда 21 марттан – 11 апрельгә, төп имтихан 28 майдан – 2 июльгә, ә өстәмә булганы 4-15 сентябрьгә кадәр узачак.

9 нчы сыйныфлар өчен Төп дәүләт имтиханы шулай ук өч этапта – вакытыннан алда ( 20 апрельдән – 8 майга кадәр), төп (25 майдан – 29 июньгә кадәр) һәм өстәмә вакытта (4-22 сентябрьгә кадәр) узачак.

Шулай ук барлык предметлар буенча имтиханнарга өстәмә резерв көннәр каралган.

magarif-uku.ru