Карадуган балалар бакчасында Сабантуй гөрләде (+фоторепортаж)

Сабантуй бәйрәме − татар халкының иң олы бәйрәмнәренең берсе. Ул - хезмәт һәм дуслык бәйрәме. Сабан туе - ул һәр кемнең көтеп алган изге бәйрәме. Бигрәктә балалар би ккөтеп алалар. Карадуган балалар бакчасында да бубәйрәм ел саен зурлап уздырыла. Бу ел да бакчабызда, гореф - гадәтләрне саклап, балалар өчен матур бәйрәм үткәрдек. Тәрбиячеләр, әкият геройларына әверелеп, мәйдан уртасында төрледән - төрле матур уеннар оештырдылар: аркан тартышу, капчык киеп йөгерү, кашыкка йомырка салып йөгерү. Бер төркем балалар, әти-әниләр чүлмәк ватучыларга көч биреп тордылар. Ә көрәш батырларын Камыр батыр белән Мәргән батыр билгеләде. Һәркем үзенең осталыгын күрсәтте: кемдер җырлый, кемдер бии. Барлык балалар Сабантуй бүләкләре оттылар. Бөтен җирдә − уен-көлке, шаярулар хөкемсөрде. Сабан туе шулай шаулап-гөрләп үтте.

Бәйрәм булды, зур бәйрәм.
Матур җырлар җырлый-җырлый
Уйнадык әйлән-бәйлән.
Уйнап торды музыка,
Зур мәйдан шау-гөр килде.
Җырладык та, биедек тә,
Төрлебез төрле көйгә.
Без җырладык Сабантуйда
Иң матур җырлар сайлап.
Безнең җырга зәңгәр күктән
Кошлар кушылды сайрап.

Илһамия Васильева,
Карадуган балалар бакчасы

музыка җитәкчесе.