"Хыялый тургайлар" гимназиянең һәр сыйныфында бар

Күптән түгел генә гимназия укытучысы Алсу Илдаровна җитәкләгән балалар театр түгәрәге Саба районында узган "Хыялый тургай" бәйгесендә призлы урын алып кайтты.Әлеге театраль колллектив кая гына барса да, бер генә бәйгедән дә урынсыз кайтмый. Хәер, хыялый тургайлар гимназиянең һәр сыйныфында диярлек бар. Әле менә күптән түгел 3 "б" сыйныфы укучылары Малмыж каласында узган фестивальдә "Каз өмәсе" күренеше белән катнашып, беренче урын яулады. Хәзер тагын фестивальләрдә катнашу нияте белән янып йөриләр. Уку, иҗат - районыбызның мәгариф учреждениеләрендә эшләр әнә шулай гөрли. Хәере белән булсын, һәрнәрсәгә дә өлгерергә тырышкан балаларыбызга кайда да уңышлар насыйп булсын, юлларда исән-имин йөрергә язсын!