Килидә “Парламент дәресе”ндә депутат та катнашты. Кем ул? (фото)

Район мәктәпләрендә күп төрле чаралар һәрдаим үткәрелеп тора. Менә Кили башлангыч мәктәп-балалар бакчасында да “Парламент дәресе” исеме астында бик үзенчәлекле чара үтте. Биредә хәтта депутат та катнашып, укучыларга күп төрле мәгълүмат ирештерде. Район советы депутаты Тимур Гатауллин белән укучылар уртак телне тиз таптылар, аларның аралашуы вакытында республика үсешендә Килинең тоткан урыны турында да кызыклы сөйләшү булды. Укучылар өчен әлеге дәрес күңелле генә түгел, ә бик файдалы да булды.