Могҗизалы тамаша

Моңарчы күрелмәгән, әлеге гадәти булмаган бәйрәмдә йолдызлар, марсианкалар, инопланетяниннар һәм космик роботлар чыгыш ясады. Күз явын алырлык костюмнардан алып һәрбер бию һәм җыр нечкәлекләренә кадәр уйланып тамашачыга тәкъдим ителде. Ракетада очып, ят планетага килеп эләгү, югалган Кыш бабайны эзләү барышында төрле вакыйгаларга юлыгу да бу бәйрәмне онытылмаслык итте. Бу бакчада төрле бәйрәмнәрне тамаша кылдык, тик әле мондыен күргән юк иде. Төрле төркемнәрдә эшләүче тәрбиячеләрнең бердәм хезмәте, рольләрне артистларча башкаруы берәүне дә битараф калдырмагандыр бу кичтә. Шуңа да барчагызга да олуг рәхмәтләребезне ирештереп, моннан соң да эшегездә космик югарылыктагы уңышларга ирешүегезне теләп калам.

Фото: автор