Әниләр көненә «Тәкъдимнәр буенча концерт”

Искиткеч, гаҗәеп бәйрәм килеп чыкты. Балалар әниләренең портретларын да үз куллары белән ясаганнар, бүләккә кәрзин тулы чәчәк бәйләмнәре дә әзерләгәннәр. Кемнең әнисе нинди һөнәр иясе - бу хакта да экранда чагылыш тапты. Темага кагылышлы җырлар, йөрәккә үтәрлек шигырьләр әниләрнең күзләрен чылатты, үзенчәлекле биюләр күңелләрдә соклану уятты. Тәрбияви яктан әһәмиятле әкиятләрне русча да, татарча да сәхнәләштерү - балаларыбызның сәнгати осталыгын бәян итте. Әле кайчан гына алпан-тилпән биегән нәниләребез хәзер әнә ничек оста бии, үз -үзләрен тотышларына күз тимәсен, һәр биюнең үз күлмәге, һәр спектакльнең үз бизәлеше... Бу балалар бакчасында соңгы Әниләр көне...Чөнки сабыйларыбыз озакламый мәктәпкә барачак. Рәхмәт, тәрбиячеләргә, алар аны күңелләрдә калырлык итеп оештыра алдылар һәм үткәрә дә белделәр.