Рәйсә - мәртәбәле бәйгенең “Поэзия” номинациясендә Гран-при иясе (+фото)

14 ноябрьдән 18 ноябрьгә кадәр Казанда “Глаголица” IX халыкара бәйсез әдәби премиянең финалы узды. 2022 елда конкурста дөньяның 17 иленнән 2212 бала катнашкан.

"Глаголица» - 10 яшьтән алып 17 яшькә кадәрге язучылар өчен үз көчләрен зур әдәбиятта сынап карау, танылган сүз осталары белән танышу, тәҗрибә һәм белемнәр үзләштерү, туган телен, рус яки татар телен камилләштерү, фикердәшләр табу мөмкинлеге бирә.

Жюри әгъзалары составына Россиянең һәм Татарстанның танылган әдәби эшлеклеләре, журналистлар, әдәби тәнкыйтьчеләр, тәрҗемәчеләр керә.

Бакый Зыятдинов исемендәге Карадуган гимназиясенең 10 сыйныф укучысы Рәйсә Абдуллина әлеге мәртәбәле бәйгенең “Поэзия” номинациясендә Гран-при иясе булып танылды. Котлыйбыз!