Районның ике балалар бакчасы Грант отты

Ильнур, 4 июль 2015 - 11:28

2444

Бистәнең 3нче номерлы һәм Карадуган авылы балалар бакчалары ТР Мәгариф һәм фән министрлыгы үткәргән конкурсларда катнашып, ТР Премьер-министры урынбасары - Мәгариф һәм фән министры Энгель Фәттахов кулыннан бүләк алып кайттылар.

Республикадагы 102 мәктәпкәчә мәгариф учреждениесе арасында 3нче номерлы балалар бакчасы "Балалар бакчасында белем бирү процессын иң яхшы оештыручы" исеменә лаек булып, 500 мең сум күләмендә, ә Карадуган балалар бакчасы «Билингваль балалар бакчасы» конкурсы исемлегенә кертелеп, 1 миллион сумлык Грант отты.

Монда Республика тарафыннан кайтарылган укыту методик кулланмалар, милли төбәк компонентларының сакланылышы, кулланылышы һәм заман таләпләренә туры китереп технологияләрне кулану, ә иң мөһиме, татар балалар бакчаларында рус теленең ни дәрәҗәдә бирелүе игътибарга алынган.

Шулай ук "Рус телен өйрәнәбез" укыту-методик программасының авторлары булуы да җиңү яуларга ярдәм иткәндер. Шул уңайдан бакчаның рус теле укыту тәрбиячесе Дилә Гарипова да акчалата бүләккә лаек булды.