"Романтик"та "Хыял" торты ашалган

Егетләр һәм кызлар командаларга исемнәрне дә үз фантазияләреннән чыгып сайлады: «Фиксики», «Забава», «Радуга», «Экстрим», «Патимейкер», «Торнадо», «Звезда», «Вжух».
Әлеге чарада катнашучылар җыр-моңга сәләтләре бармы юкмы икәнен генә күрсәтү белән чикләнмәде. Биредә актерлык осталыгы да зур роль уйнады. Дүрт этапны да уңышлы үтеп чыга алган командага татлы бүләк - торт биреләчәге дә егетләр һәм кызларга өстәмә көчләр биргәндер, мөгаен. Шулай итеп, "Хыял" үзәгенең махсус бүләге, бик тәмле тортка "Радуга" командасы лаек булды. Ә ахырдан барлык ял итүчеләр өчен дискотека гөрләде. Менә шулай итеп "Романтик"тагы һәрбер көн төрле маҗаралар белән үтеп, кичләр күңел ачу белән тәмамлана.