«Романтик»тан кунаклар өзелми, бу юлы алар «Факел»ны кабул итте (фото)

Командаларга төрледән-төрле конкурслар тәкъдим ителде, алар рәхәтләнеп йөгерде дә, сикерде дә, балык та тотты, шулай итеп алар үзләренең спорт һәм акыл ягыннан белемнәрен күрсәтә алдылар. Күңелле стартларның барлык этабында да көчле көрәш барды. Җанатарлар бөтен көчләренә үз командалары өчен җан аттылар. Ә катнашучыларда җиңүгә омтылыш шуның кадәр зур булу сәбәпле, алар хәтта тирә-юньгә игътибар да итмәделәр. Барысы да финиш сызыгын беренче булып кисеп керергә теләде. Әлеге спорт бәйрәме әйдаманнарны да битараф калдырмады, алар да үз көчләрен сынап карады. Командаларга әлеге ярышлар күтәренке кәеф һәм онытылмас хатирәләр бүләк итте.