Россия мәктәпләрендә укыту өчен кәрәзле телефоннарны куллану рөхсәт ителми

Дәрестә электрон укыту чараларын куллану вакыты да чикләнгән.

Россия мәктәпләрендә укыту өчен кәрәзле телефоннарны куллана алмаячаклар. Бу турыда «Российская газета» хәбәр итә.

Бу яңа санитар-эпидемиологик кагыйдәләр белән бәйле, ул 2027 елның 1 гыйнварына кадәр гамәлдә булачак.

Кәрәзле телефоннарның экраны кечкенә, бу күзләргә көч китерәчәк һәм гәүдә төзелешенә зыян китерергә мөмкин, шуңа күрә кәрәзле телефоннарны дәресләрдә компьютер һәм планшет урынына кулланырга ярамый, — дип сөйләделәр Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең матбугат хезмәтендә.

Яңа санитар кагыйдәләре электрон өйрәтү чараларын кулланып белем бирү процессына таләпләр куя. Интерактив тактаның диагонале 165,1 см дан ким булырга тиеш түгел. Компьютер һәм ноутбук мониторының минималь диагонале 39,6 см, планшет өчен 26,6 см булырга тиеш.

Дәрестә электрон укыту чараларын куллану вакыты да чикләнгән. Интерактив тактаны 10 яшькәчә балалар өчен 20 минут, 10 яшьтән өлкәнрәк өчен 30 минут, компьютерны 1-2 сыйныф укучылары өчен 20 минут, 3-4 сыйныфлар өчен 25 минут, 5-9 сыйныфлар өчен 30 минут, 10-11 сыйныфлар өчен 35 минут куллану рөхсәт ителә. 

https://tatar-inform.tatar/news/science/02-01-2021/rossiya-m-kt-pl-rend-ukytu-chen-k-r-zle-telefonnarny-kullanu-r-hs-t-itelmi-5796887

Тулырак: http://arskmedia.ru/news/rayon-yaalyklary/rossiya-mktplrend-ukytu-chen-krzle-telefonnarny-kullanu-rkhst-itelmi