“Сабантуй”да – “Соңгы каһарман” (+фото)

Балтач урта мәктәбенең 5-11 сыйныф укучылар җәйге ялларга киткәнче мәктәп администрациясе ел саен табигать кочагында  “Соңгы каһарман” чарасын уздыруны матур гадәткә кертте.  Бүген укучылар үзара кабат “Соңгы каһарман”ны ачыкларга “Сабантуй” мәйданына җыелды. Көне дә бик матур. Кояшлы, вакытында җиле дә исә, балалар да шат.

Укучылар гадәти шартларда түгел, табигатьтә каршылыклар аша узды, төрле бәйгеләрдә үз көчен сынады. Биремнәр җиңелләрдән түгел иде. Әмма дәресләрдә алган белем-күнекмәләр ярдәм итте, сер бирмәде укучылар. Соңгы этап, мөгаен, иң тәмлесе булгандыр. Ямьле табигать кочагында тәм-томнардан авыз итү, хуш исле кайнар чәй эчүләр... Эх, тәмле дә иде соң...

- Укучылар бик канәгать калды. Рәхәтләнеп ял иттеләр, ярыштылар. Унберенчеләр өчен зур сынаулар арасында бер ял итеп алу да булды әлеге чара, -  диде тәрбия эшләре буенча директор урынбасары Руфия Закирова.