"Салават күпере" гаиләләр өчен бәйрәм ясады (+фото)

Бәйрәм бик эчтәлекле итеп әзерләнгән иде. Бер генә гаилә дә читтә калмады. Бәйрәм башлангач та балаларның күнелләрен күтәреп алар янына Карлсон кунакка килде. Балаларыбыз әти-әни һәм бала дигән күнелле уеннарда катнаштылар. Үзләренең өйрәнгән матур шигырьләрен, җырларын, биюләрен күрсәттеләр. Әтиләребез кадерле балаларына, алма бөртекләренә нинди матур сүзләр белән эндәшүләрен уен барышында исбатладылар. Төрле биюләрне көйләрдән танып белүдә әниләребез үзләренең осталыкларын күрсәтеләр. Әниләребез күзләрне бәйләгән килеш мандаринны чистартып әтиләрне ашатуда да сынатмадылар.

Бәйрәмебез ахырында балаларыбыз рус теле түгәрәгендә өйрәнгән "Шалкан" әкиятен күрсәттеләр. Балаларыбыз белән берлектә шушы матур бәйрәмне әзерләүдә хезмәтләре кергән барлык тәрбияче апаларыбызга зур рәхмәтләребезне җиткерәбез. Форсаттан файдаланып, аларны бәйрәм белән котлап, тыңгысыз эшләрендә уңышлар, гаилә бәхете, безнең балаларыбызның яраткан тәрбияче апалары булып калуларын телибез.