Укучыларыбыз «Минем Россия: град Петров» маршруты буенча экскурсия белән бүләкләнделәр (+фото)

Татарстан Республикасы Мәгариф һәм фән министерлыгы үткәргән тәрбия һәм өстәмә белем бирү буенча мониторинг нәтиҗәләре буенча Саба, Ютазы, Азнакай, Әлки, Балтач, Аксубай районнарыннан 165 бала махсус поезд белән «Минем Россия: град Петров» маршруты буенча экскурсия белән бүләкләнделәр.

Безнең районнан бу бәхет тәрбия буенча мониторинг нәтиҗәләре буенча алдынгы урыннарда баручы Балтач гимназиясе, Балтач, Норма, Чепья, Нөнәгәр урта мәәтәбе, Карадуган гимназиясе һәм Салавыч күппрофильле лицееннан 20 балага елмайды. Балалар Балтач гимназиясе директоры Ренат Мөхәрләмов һәм Субаш төп мәктәбе директоры урынбасары Азат Хөснетдинов җитәкчелегендә 13 октябрьдә Пететербургка киттеләр. Программа бик бай. Петербург буенча автобуста экскурсиядә, Эрмитажда, Рус музеенда, Павлов музей-заповеднигында, Мариинский театрда, Ленинградны саклаучы Геройлар Монументында булачаклар. Шунысын ассызыклап узу кирәк – экскурсиягә баручы балалар укуда, спортта зур уңышларга ирешкән , төрле конкурсларда актив катнашучылар.

Резеда Гаязова,

Ммәгариф идарәсе методисты

Автор фотолары.