Вальс та биемәгәч, Яңа ел була димени?!

Без балачакта клубларда Яңа еллары бик матур уза торган иде. Һәр бәйрәм Яңа ел вальсы белән башланып, татарча бию белән тәмамлана  иде. Хәзер әлеге матур күренеш традициядән читтә кала бара дисәк ялгыш була инде, чөнки быел Балтач гимназиясенең   башлангычларга багышланган Чыршы бәйрәмендә 3 б сыйныфы укучылары вальс биеп, купшы күлмәкләре белән күзләрне иркәләде, бал-маскарад рухын яңартты.Балачактан ук вальс биергә өйрәтеп, Яңа ел елкаларын вальс  әйләнүләрдән башлыйсы иде ул!