Вормисьёсты сӥлы каризы

Дистант амалэн ортчем олимпиадае Удмуртиысь, Татарстанысь но Башкортостанысь пиналъёс пыриськиллям.

Та ужрадэ пыриськем пиналъёс пӧлын вал асьме ёросысь Покчи Лӧзя шоръёзо школаысь дышетскисьёс но. Тужгес шумпотымонэз, пӧлазы вань инты басьтэм но призёр луэм пиналъёс но. Тани соос: Евдокимов Артём (4 класс, 2 инты), Исаев Илья (4 класс, призёр), Ишмурзина Аделина (5 класс, призёр), Антонова Елена (6 класс, 2 инты), Ефремова Алина (8 класс, призёр). Ӟечкыласьком нылпиосты но, дышетӥсьёссэс но.

Пусйыны кулэ, 2021-тӥ арозь та ужрад кар олимпиада луыса гинэ ортчытӥськем (Ижкарысь 60 номеро школаын радъяськем). Нош табере тани кыкетӥ арзэ ини, улосвылкуспо инлык басьтыса, дистант амалэн радъяськем.