Яңгул мәктәбе укучысы Ләйлә Мөбарәкова Удачинаның ярдәмчесе (фото)

Шушы җаваплар буенча һәр районнан 1 укучы сайланды. Әлеге бәхет Балтач районыннан Яңгул урта мәктәбенең "Хыял" балалар оешмасы әгъзасы Ләйлә Мөбарәкова насыйп булды.

Ләйлә Балтач районында ТРның Бала хокуклары буенча вәкаләтле вәкиле Удачина Гүзәл Любисовнаның иҗтимагый ярдәмчесе итеп билгеләнде. Ул ел дәвамында проект эшчәнлегендә актив катнашты, берничә тапкыр өйрәтү сменаларында булып кайтты. Ләйлә үзенең эшчәнлеген мәктәп күләмендә генә башкарып калмыйча, күрше мәктәпләргә дә чыкты. Анда балаларның хокуклары һәм бурычлары темасына эшлекле уеннар, әңгәмәләр уздырды, проект буенча аңлату эшләре алып барды.Үзебезнең мәктәптә дә Ләйлә күп эшләр башкарды: квестлар, ярышлар уздырды, презентацияләр күрсәтте. Ул әлеге эшчәнлеге өчен республиканың Рәхмәт хатына ия булды.

2016-2017 уку елында, декабрь һәм гыйнвар айларында, ТР Балалар иҗтимагый кабул итү бүлмәсенең яңа сезонына ярдәмчеләр сайлап алу туры уздырылды. Ләйлә кабат үзен сынап карарга булды һәм аңа яңадан бәхет елмайды. Барлык сынау турларын уңышлы узып, "Детская общественная приемная" проектына кабат сайланды. 11 сыйныфта укуына карамастан, ул бу проектка узуына чын күңелдән шат. Ләйлә укырга да, ЕГЭларга әзерләнергә дә, мәктәп тормышында һәм проект эшчәнлегендә дә катнашырга да өлгерә. Мин Ләйләгә киләчәктә уңышлар гына елмайсын иде дип телим һәм 2 ел дәвамында республика күләмендә шушы проект эшчәнлегендә катнашу аңа киләчәктә профессия сайларга ярдәм итсен иде дигән теләктә калам.

Резеда Рәхматуллина,

Яңгул урта мәктәбенең
педагог-организаторы.