«100 яшькә кадәр яшәгез», дип теләделәр (фото)

  Ушма авылы кызы Арча медицина училиесын тәмамлагач, туган районына эшкә кайта. Иң элек Сосна авылы медпунктында, соңрак Кече Лыза авылында халыкка медицина ярдәме күрсәтә. Лаеклы ялга чыкканчы, 22 ел дәвамында Балтач үзәк хастаханәсенең поликлиника бүлегендә эшли.  Ул күп төрле Мактау хатлары белән бүләкләнә, хезмәт ветераны исеменә лаек була. Күзләрем дә күрә, колагымда ишетә, тормыштан зарланмыйм, ди ул. Бер дистә оныклары, ике дистәдән артык оныкчыклар олы әбиләрен яраталар, алар бар да килсә, ике катлы йортның һәр почмагында бала була, дип шатлана Екатерина Степановна.
    Бөек Ватан сугышы ветеранының тормыш иптәшен, хезмәт ветераны Екатерина Кушаеваны Балтач район Советы җитәкчесенең урынбасары Наил Сабирҗанов котлады, истәлек бүләкләре тапшырып, чәчәк бәйләмнәре бүләк итте. Шулай ук ветеранны үзәк хастаханә һәм авыл җирлеге җитәкчелеге котлап, бүләкләр тапшырдылар, әле 100 яшькә кадәр яшәгез, сәламәт булыгыз, дип теләкләрен җиткерделәр.